أغنية جديدة: ساكن الأحلام
بشرى سليمان - لندن
أنا الفى خاطرى جافيتك ،
وقلت وراك يطيب حُزنى
لقيتكْ .. ساكِن الاحلام ،
وفى خطواتى تسبُقنى
*
وجيت من بعدما نسيتك ،
تصّحى الذكرى .. والايام
وتنثر فى رُباى عِطرك
وترسم فوق شِفاى أنغام
ترجِّع فينى لون صورتك ،
وتنشُر فى سواحلى .. غَمام
*
معاك رجع الربيع زاهى
وبيك .. عاد الزمن أعوام
شتا الأيام طويتيهو ..
وأزهر فينى كون أنسام
لقيت فى دُنيتِك عمرى ،
وأصبح ليّ فيهو .. مقام
شارك الأغنية
