أغنية جديدة: (؟)
كامل عيساوي
ياتو زول ..
كان احتمال انك تكونو وتفتخر
لو كنت عايش يا فقيد
ياتو ناس ح يكونو أجمل
في عيونك وتحيا بيهم من جديد؟
كيفن ح تصلاك المعايش
وانت راجع من أواخر الموت شهيد ….؟
إنكتب ليك العمر
تمشيهو تاني على الجمر
تغرب مع الآصال حزين
تشرق مع الأجيال سعيد
ما في ماضي تعيدو تبكي
مافي حاضر منو تشكي
مافي مُرة تخلي قلبك
يبقى في قربك بعيد
العواصف ما بتكسر تاني غصنك
في الزلازل ما بيصمد إلا حصنك
في المسرات زول حنيّن
في الملمات من حديد
ما بتشرق في صباحك
شمس ما صلت عشاها
ما بتمرح في براحك
ضحكة ما بلغت مداها
تبقى آخر هاوي يكره
و تبقى اوَّل زول يريد
شارك الأغنية
