سندك حصون البوليس

• مليار مبروك رهف النابغة عاشقة الهلال سيد البلد «رهف الأمين» أولى الشهادة السودانية هلالابية بالميلاد.. أهدت نجاحها للجيش السوداني. 

• حتماً سيرى (عيمودي) النور عقب ملحمة العملاق الهلال عشية الجمعة بملعب شهداء بنينا.. وزي ما قلت ليكم سنشتري البوليس كما اشترينا المريخ في دامر المجذوب، والنمير وجماعته قالوا الروووب، وفضلوا الانسحاب والهروب.. بالمناسبة لي مدة ما سمعت سيرة الزميل الجميل «هيثم كابو» عسى ما شر 

– « قمينا » اشترينا البوليس في عقر داره.. وهزمنا الصعب قبل جندلة الفريق.. ونعلم يقيناً مباراة الجمعة لن تكون لقمة سائغة.. لا ورب سمو الهلال.. سيرمي البوليس بكل أسلحته (ما عنده شيتا يخسره).. بل يكفيه إحراز هدف للتعادل.. وهذا هو المطلوب من المدرب الحيلولة دون حدوثه.. نظافة الشباك تعني التأهل.. واللقاء حياة أو موت للزعيم الهلال، لا بقبل القسمة على اتنين ولا بحمل الدرون عشان نقعد نفتش للفوز من أول وجديد.. يبقى لازم النص يكون كارب.. والدفاع صلد.. والهجوم ولد.. أي هدف من رماة سمو الهلال حتماً سيقضي على أحلام (البواليس).. جت..(تهاني والكيني معا). 

•  يا شباب مدني يلاك معاي شندي فوق يا شباب شندي فوق تلقى الهلال معشوق.. في دامر المجذوب.. والنخبة شامخة تشوف.. لم يلقب الأهلي مدني بسيد الأتيام من فراغ.. كان سيد الأتيام.. وكان أهلينا أرجنتينا كما يحلو لعشاقه.. وأنا بموت في منتخب الأرجنتين ولاعبي كرستيانو هههه.. عجبتكم؟

نرجع للأهلي مدني والقنصل حازم لابسه فى (….) عديل كدا.. دي رعاية ولا الإنعاش يا ناس.. الأهلي مدني وصيف النخبة أدوها للمريخ وحازم ما نضم، والغريبة حتى مجلس الأهلي ذاتو «كضم» وما نضم. 

قلنا ما مشكلة.. اها قوم يا الاتحاد الرواندي اطلب من البروف حسن علي عيسى.. أمين مال الوطن الهلال.. تمثيل فريقين من السودان في الدوري، طبعاً أكيد الزعيم الهلال وفريق آخر..(عـل) سمعنا قالوا في الأمثال حكايتنا واتعرفت قصتنا (آي والله).. قالوا حازم مصطفى اتنازل للمريخ عن الدوري الرواندي.. ومجلس إدارة الأهلي مدني لم ينطق أحد (ما في زول بقدر يلاوي).. يا حليل الأهلي سيد الأتيام بقى كما الأيتام حرام والله حرام. 

• كشف حي العرب عوار اتحاده المحلي برسالة أعلن فيها مقاطعة الأنشطة الرياضية التي ينظمها الاتحاد إلى حين البت في القضية..»توالي» قام الاتحاد حول نظام الدور لي مجموعات وقالت كدي الأندية فارت وادلقت.. الاتحاد جر واطي في غضون 24ساعة (آي والله).. يا لهشاشة اتحاد بورتسودان. 

• نبض العشق السرمدي.. يكفي النيل أبونا والهلال سوداني.. ويبقى العشق ما بقي الهلال (زرقـاء الـعشق- أستراليا )

شارك المقال