(أكتوبر جا اتحاد الكورة منو البرجا؟)

•  الفرنسى لوران قبال الأهلي ما يصيدو. 

– هلالاب ليبيا الدخول مجاني  والمريخ سوداني.

• شوف عيني الهلال مستواه ما بسر عدو ولا صديق 

تأهلنا نعم.. ولكن بكرامة البليلة (بشق الأنفس).. هنالك خلل ما.. ليس من اليسير سبر أغواره والإفصاح عنه سيكون ذا وقع أليم عظيم، ربما كانت فوهة بوابات الجحيم. 

– لن نلتمس الأعذار للروماني تاني.. ولا أحسبه سيعمر عمار إيطالي المريخ.. سوليناس مع الزعيم الهلال.. اللهم إلا حال انصلح الحال في دوري ال32

وشفنا هلال بنريدو غير علة. 

• أكتوبر جا والدوري السوداني لا حس لا خبر.. الراجي اتحاد الكورة راجي سراب.. البطولات القارية مدورة، واتحادنا مرجع كورتنا لي ورا. مافي إنجازات بتحقق من غير منافسة محلية.. خروج الزمالة والأهلي ود مدني كان نتاجاً طبيعياً لغياب الدوري السوداني وطناش الجاني. 

• إني إذ أنعي الدكتور حسن أبو جبل، أنعي رجلاً رقم مريخيته كنت أناديه بأبي في اتحاد الكرة واللجنة الأولمبية، وكانت زوجته عواطف تحبني كثيراً.. ألا رحم الله الدكتور الإنسان وأسكنه أعالي الجنان. 

– ولو تأهلنا بذات المستوى الروماني ما ببرانا تاني ولا شبر. 

• موفد رئيس نادي المريخ الشرفي صديق حفتر في استقبال بعثة المريخ.. وجود المريخ بأرض حفتر.. موجب للانتصار.. (تفهموها ما تفهموها) بي طريقتكم.. ومن هنا أناشد سلاطين العشاق الهلالاب بأرض ليبيا التدافع

لمساندة المريخ من داخل الملعب.. ما تنسوا الدخول مجاني والمريخ سوداني (آي والله). 

•  لو كنت المسؤول.. ما كنت فرطت في المدرب الفرنسي المقال من الاتحاد السعودي «لوران»، بل لاستعجلت الأمر  قبال الأهلي المصري ما يصيده، 

فهو المدرب القادر على اعتلاء منصات التتويج مع الهلال السوداني.

شارك المقال